Lumipas ang ilang araw at naging maayos na ulit ang pagsasama nilang dalawa ni Raven pagkatapos ng kanilang anniversary. Nawala narin ang agam-agam niya dahil hindi narin naman nagpakita ng kakaibang kilos ang asawa niya gaya noong nakaraan.
"Pupunta po ba kayo ngayon sa ospital, Ma'am?" Tanong ni Rica habang naghihiwa siya ng rekados para sa lulutuin niyang sinigang.
Ngumiti siya bago tumango. "Yup. Nabanggit sakin ni Raven na namimiss na niyang kumain ng sinigang na baboy kaya ipagluluto ko siya," masigla niyang tugon.
"Ang sweet niyo talaga, Ma'am. Ang swerte ni Sir sa inyo," tila kinikilig nitong sambit.
Mas lalo pa siyang napangiti. "Mas maswerte ako sa kanya ano?"
"Hindi Ma'am, mas maswerte si Sir sayo. Grabe yung effort mo para ipakita yung love language mo sa kanya. Maasikaso
