“Mirella,” tawag ko sa kaniya nang makita ko siya sa school pero mabilis siyang tumakbo bago ko pa man siya mahabol.
Alam kong hindi naman naging maganda ang huli naming pag-uusap pero bakit aabot sa ganito na iiwasan niya ako?
Naging mabilis ang oras nang hindi ko namamalayan. Masyadong lumilipad ang isip ko lalo pa at ganito ang sitwasyon namin ngayon ni Mirella.
Sinusubukan ko siyang kausapin pero patuloy lamang siya sa pag-iwas sa akin. Hindi ko alam kung lumayo ba ang loob niya sa akin o talagang nagtatampo lamang siya.
“You’re thinking too much,” saad ni Gabriel.
Napatingin naman ako sa kaniya at napahinga nang malalim. Hindi ko napansin na nasa harap na namin ang order namin.
Dinner date namin ngayon ni Gabriel. Hindi ko naman siya puwedeng i-turn down lalo pa at seryoso talag
