Hinilot ko ang aking sintido nang makita ko ang pasa sa mukha ni Lance at ni Kuya Matthew. Nagkaroon ng gulo matapos nilang sugurin si Gabriel.
Kung tutuusin lahat sila ay may mga pasa maliban si Miguel, bunsong kapatid ni Kuya Matthew. Hindi kasi nila alam na may mga kasama pala si Gabriel at sa isang iglap, nagkagulo na silang lahat.
Kabilang doon iyong sinasabi ni Gabriel noon na si Lysander at ang dalawa pa nilang kasama. Hindi ko alam kung alam nila ang plano ni Gabriel sa akin doon pero kinikilabutan pa rin ako hanggang ngayon.
Nang magkagulo na kanina, may mga dumating na security guard ng fast-food para awatin sila. Mabuti na lang at hindi malala ang mga natamo nilang sugat kaya nakahinga ako nang malalim. Kaso nga lang, halatang nakipag-away sila dahil kung hindi duguan ang lab
