TUMULOY ang dalawa sa isang exclusive restaurant. Pagpasok ng mga ito ay sinalubong sila ng waiter at magiliw na binati at iginiya sa kanilang pwesto sa sulok.
"Uhm, Raven. Um-order ka na lang ng pagkain ko ha? Magri-restroom lang muna ako," pamamaalam ni Kira dito na ngumiting tumango sa dalaga.
Napasunod ito ng tingin kay Kira na nagtungo sa restroom ng restaurant. Nang mawala na sa paningin nito si Kira, namili na ito ng kanilang pananghalian. Napapanguso pa ito habang pinapasadaan ng tingin ang mga nasa menu. Hindi naman maselan si Kira sa pagkain. Pero gusto niyang magustuhan ni Kira ang mga pipiliin niya. Lalo na't alam niyang may pinagdadaanan ito ngayon.
Matapos gumamit ng restroom si Kira, naghugas na muna ito ng mga kamay sa lababo ng restroom at inayos ang sarili. Napabuga
