NASA MATINDING KONSENTRASYON si Rocco. Hindi niya inaalis ang tingin sa mga kalabang lumalabas sa magkakaibang direksyon. Inaasahan niya ng tatambangan sila sa pinakamalaking bahagi ng Palazzo ngunit hindi ganito karami. Triple iyon sa inaasahan niyang bilang at dadalawa lamang sila ni Hillion.
Nagtungo si Hillion sa kanyang likuran matapos nitong kuhanin ang patalim na nakalagay sa likurang bahagi.
Ang iba sa mga kalaban nila ay may baril na gamit. Iyon ang labis niyang pinag-aalala. Kung hindi nila makita ang mga ito sa kanilang blindspot, magiging malaki ang kanilang problema. Hindi nila alam kung gaano pa katagal ang oras na bibilangin bago magtagumpay sina Caci.
Nasa punto ng malalim na konsentrasyon si Rocco nang may magpaputok ng baril patungo sa kanilang direksyon. Tamang-ta
