HINDI NA NAKAPAGPATULOY sa pag-akyat ng bundok si Hillion. Hindi nagsisinungaling ang Likarpus na naghatid sa kanila. Katulad ng sinabi nito, may kakaiba sa lugar na iyon na nagiging dahilan ng pagkahigop ng kapangyarihan ng magtatakang umakyat sa bundok. Sinubukan pa kaninang umakyat ni Hillion sa mahiwagang bundok na iyon ngunit nakakailang hakbang pa lamang ito ay nadama na nito ang tila pagkahigop ng lakas at labis na panghihina. Nanlalambot din ang tuhod nito na kailangan pa nilang alalayan upang makababa.
Labis-labis ang paghingi ng paumanhin ng kanyang driver sa kanya dahil hindi sila masasamahan sa paglalakbay sa itaas ng bundok. Wala iyong kaso sa kanya sapagkat hindi nito kontrolado ang sitwasyon. May mga pangyayari na hindi nila inaasahan ngunit nangyayari lalo na kung ang kal
