Hindi niya akalain na sa aabot pa sila sa puntong ganito ni Alvin. Bago siya umuwi galing sa ibang bansa ay ang tanging nasa isip lang niya ay ipakilala si Matty sa ama nito. Ni hindi niya akalain na iba ang kinalabasan ng pag uwi niya. Nakakamangha nga talaga ang pag ibig.
Sa dami nang pinagdaanan nila ni Alvin ay pinili nilang magsimula ulit at kalimutan ang lahat. Pinili nilang piliin at isa't-isa. Sa ngayon ay wala pa silang pulidong plano tungkol sa kanilang kasal. Sinabi niya kay Alvin na gusto niyang magpakasal kapag lumabas na ang baby nila. Ayaw naman niyang magmumukha siyang butete sa suot na wedding gown.
Sa araw na iyon ay nasa opisina ulit siya ni Alvin. Ewan, pero sa isang linggo mula nang magkaayos sila ay mas naging clingy siya dito. Hindi niya alam kung dahil ba sa bun
