Napapikit na lamang si Loli sa labis na frustrasyon. Hindi niya inakalang aabot sila sa ganito ng binata. Napahawak siya sa tiyan niya at umupo sa couch. Huminga siya nang paulit-ulit para pakalmahin ang sarili.
“Loli? Okay ka lang ba?” nag-aalalang tanong ni Geng-Geng sa kaniya.
Tiningnan naman niya ito t inilingan.
“Geng, tulungan mo ako,” pakiusap niya rito.
“Sa ano?”
“Kailangan kong makaalis dito. Gusto ko lang makahinga,” sagot niya rito.
Napipilan naman ito at tumabi na lamang sa kaniya. Hinawakan ang kaniyang kamay at napailing.
“Alam mong hindi ko magagawa iyan, Loli. Oo nga’t kaibigan kita, pero boss ko ang nobyo mo. Hindi ko susuwayin ang taong bumuhay sa akin at sa pamilya ko nang ilang taon. Pasensiya ka na,” mahinnag saad nito.
Kita niya ang lungkot sa mat anito. Humin
