Dinala siya ni Alma sa isa sa mga mamahaling kainan sa loob ng mall. Si Alma na rin ang nag-order ng kanilang pagkain.
“Alam mo Pat, this place is so romantic. Dinala na ako rito ng iba kong manliligaw. Kaso nga lang hindi ako nag-enjoy kasi chaka ang dating nila. Na-miss talaga kita, you know. Ang huli nating pagkikita ay yaong graduation pa natin sa highchool. May mga pictures pa tayong lahat ng mga kaklase natin. Hindi nga lang ako nakatabi sa iyo noon kasi magkadikit kayong lagi ni Gennie. Oh, speaking of Gennie where is she right now? Saang school siya ngayon? What course did she take?” sunod-sunod na kuwento at pagtatanong ni Alma kay Pat.
“Ah, sa probinsiya siya ngayon. Nag-enrol siya noong first sem pero huminto siya nang magka-stroke ang nanay niya. Nakaaawa nga siya kasi siya
