Pagkatapos ng klase ni Gennie ay dumiretso siya ng botika para bilhin ang gamot ng kaniyang ina. Dumaan siyang muli sa kaniyang Kuya Danilo pero wala pa raw ito dahil may iniutos na naman ang Tiya Cora. Walang patid ang pasasalamat niya sa Diyos habang naglalakad siya dahil sa pamamagitan ni Maam Sanchez ay sinagot ng Diyos ang panalangin niya na makabili ng gamot at bitamina ng ina. Dumiretso siya kaagad sa sakayan ng traysikel pauwi sa kanila.
Mang makauwi na ay dumaan muna siya sa tindahan ni Aling Tisya.
“Magandang hapon po Aling Tisya, kumusta po kayo rito?” agad niyang bati kay Aling Tisya.
“Magandang hapon naman Gennie. Okay lang kami rito. Kumusta naman ang pag-aaral mo sa kolehiyo?” agad na sagot ni Aling Tisya.
“Mabuti naman po. Salamat nga po pala sa pagdalaw minsan kay inay
