Maaga na namang nagising si Gennie. Alam niyang kailangan nina Maam Edna ang kaniyang serbisyo para sa mga bisita nitong darating. Dating gawi,maaga siyang nagluto ng kanilang almusal. Pinakain at inayos ang kaniyang ina.
“Inay, maiiwan muna kita rito ha, pupunta na ako kina Aling Dolor at Maam Edna. Huwag po kayong mag-alala, uuwi po ako para masilip din ang kalagayan mo. Nandito lang po ang tubig sa tabi ninyo. Magpakabait po kayo rito Inay ha,” nakangiting turan ni Gennie kay Aling Bibang.
Tumango-tango lang sa kaniya si Aling Bibang. Namumuo na naman ang munting butil sa kaniyang mga mata. Awang-awa na siya sa anak. Halos napabayaan na nito ang kaniyang sarili lalo na ang kanyang pag-aaral dahil sa kanya. Nagsusumikap pa itong magtrabaho para na rin sa kanilang magpamilya. Ninakaw di
