GALIT ang namamayani sa dibdib ni Bianca, dahil sa mga kamalasan na dumarating sa kanyang buhay. Ang mga plano niya't pangarap sa buhay ay unti-unti nang naglalaho, mula ng magkahiwalay sila ni Joseph.
Hindi rin inaasahan ni Bianca na tuluyang makukulong ang kanyang mga magulang sa Malaysia, dahil sa patung-patung na kaso laban sa mga ito. Hindi lang pagnanakaw ang kinaharap na kaso ng kanyang mga magulang, dahil marami din silang hindi binayarang Tax sa bansang Malaysia, simula magkaroon sila ng mga negosyo doon.
Nagreklamo din ang dati nilang mga tauhan, dahil sa ilang buwan na hindi nila pagbibigay ng sahod sa kanila, at mga benipisyo ng mga ito bilang mga manggagawa.
Gusto man tulungan ni Bianca ang kanyang mga magulang ay hindi naman siya makatakas sa pagkakakulong niya sa bahay n
