"Thalyn! Thalyn!...." magkapanabay na sigaw nina Eve at Marlyn, nang bigla na lang mabuwal si Thalyn. Maagap naman na sinalo ito ni Aaron Go, para hindi ito masaktan sa kanyang pagbagsak. Nag aalala din siya sa paa nitong hindi pa gumagaling at hanggang ngayon ay mayroon pa rin naka balot na semento at foot brace.
Mabilis naman na hinawakan ni Eve ang Laptop na hawak ni Thalyn, para hindi ito mahulog sa sahig. Kinabahan din siya, dahil sa bigla na lang pagkahimatay ni Thalyn.
"Ikaw ang may kasalanan nito eh! Bakit kasi kailangang gayahin mo pa ang mga nabasa mo sa harapan ng kaibigan ko." asik ni Eve sa asawa. Pinalo rin niya ang likod ni Aaron, dahil sa inis niya sa lalaki.
Tumawa lang si Aaron, kahit alam niyang galit na sa kanya ang asawa. Natutuwa rin siya dahil sa nangyari kay Th
