♛♕♛
Nakatingin si Zeren sa kaniyang mga kamay habang puno ito ng malapot na dugo, tumingin siya sa paligid at inalam kung na saan siya ngayon.
Bawat sulok ng silid ay pamilyar sa kaniya, alam na alam niya ang lugar na 'to kaya muli siyang nakaramdam ng kakaibang takot sa kaniyang dibdib.
"Bakit ako na rito? Palabasin niyo ko!" Hiyaw niya habang nanginginig ang mga kamay niya at hinahanap ang pinto palabas ng silid ngunit wala siyang mahanap o makitang isa.
Napahawak siya sa kaniyang ulo at napayuko sa takot. Matagal niya nang inalis ito sa kaniyang isipan dahil nais niya itong mabura sa kaniyang memorya pero hanggang ngayon ay patuloy pa rin siyang hinahabol ng bangungot na ito.
"Kailangan ko pumatay! Kailangan mawala ang dugo na 'to sa kamay ko!" Para siyang nahihibang, nakayuko siya
