PINALAKI KAMING RELIHIYOSO nina Mama at Papa.
Sabi nila sa langit napupunta ang mabubuting kaluluwa habang sa impyerno naman hinuhulog ang masasama.
Mali sila.
Tao ang gumagawa ng impyerno base sa dinidikta ng lipunan. Tao ang nagdedesisyon kung sino ba ang dapat tawaging ‘kapwa tao’. Tao ang pumapatay sa kapwa tao base sa sukatan ng kung ano ang tama sa kanilang pananaw.
Tulad ng mga kagaya ko. Naagnas ng buhay kahit hindi nililibing.
Inalagak ako rito dahil hindi na ako sakto sa hulma ng tao na dapat tawaging tao. Sira raw ang ulo ko.
Pero ang totoo, ang impyerno ay kathang-isip lamang...
Tao ang nagtatanggal ng kalidad at rason na mabuhay ang kanilang kapwa tao. At sa kaparehong paraan, minsan sariling desisyon din lamang ng tao kung hanggang kailan niya gustong manatili sa impy
