ZERRA NICOLE'S POV
NASA opisina ako ng araw na iyon, busy ako sa pag-i-encode. Kami lang ni Ara ang narito ngayon dahil hindi pumasok si Ell. Masama raw kasi ang pakiramdam nito. Mukhang nakabuo na agad ng bata ang mag-asawa ang honeymoon sa France.
Hindi kami nag-uusap ni Ara, pareho kaming tutok sa ginagawa. Ganito kami, mga baliw pero tutok sa trabaho. Mga responsable naman kami kapag trabaho na ang pinag-uusapan. Para hindi naman masayang ang pinapasuweldo sa amin ng kumpanya.
Nang makaramdam ng ihiin ay tumayo ako. Pero bigla akong napaupo nang makaramdam ako ng hilo. Parang bigla ring nanlabo ang mga mata ko.
Kinusot-kusot ko pa iyon ng ilang ulit pero malabo talaga. Napahawak ako sa ulo ko nang biglang salakay ng matinding kirot. Pakiramdam ko, malalaglag ang mga mata ko sa s
