Kabanata 46
"Ms. Quintosse, umupo ka dito." Humarap ulit ako sa kanila at sinunod ang utos ng head sa akin. Naitikom ko ang bibig ko nang makita ang lugar kung saan ako inutusang paupuin.
Nahihirapan akong tingnan siya ngunit may kung anong enerhiya ang nagpupumilit na sa akin na tingnan siya. Nasa harapan ko si Stephen at mas lalong naging malinaw sa mata ko ang mahigpit na pagkahawak ng babae sa kanyang braso.
"Magandang Tanghali mga Interns." Bati ng isang boss ng Villacier Corporation sa amin.
Nanatili ang tingin ko sa kanya. Nakatingin siya sa nagsalita at mukhang nakikinig.
Ganoon pa din ang mukha niya pero mas gumwapo nga lang. Lumaki din ang pangangatawan niya. Ramdam ko ang pamamawis ko. Ngayon ko lang siya nakita sa malapitan. Makinis pa din ang mukha niya at katulad ng dati
