Nagising siya na wala na si Reous sa tabi niya. Madilim pa ang paligid. Nag-aagaw ang dilim at liwanag. Saktong alas 3 pa lang ng madaling araw. May kaba sa dibdib na lumabas siya. Agad niyang hinalughog ang buong bahay maging ang banyo. Pero hindi niya mahagilap si Reous.
Akmang lalabas siya sa veranda nang may kamay na nagtakip sa ilong niya at ang naamoy niyang kemikal mula sa panyo na hawak nito ang dahilan ng panghihina niya.
Nagising na lang siya sa loob ng sasakyan. Nakapwesto siya sa likuran at may tali ang kamay niya. Dalawang lalaki ang naka-upo sa unahan at may isa na nagbabantay sa gilid niya.
Nakatakip ang bibig niya kaya hindi siya makapagtanong sa mga ito. Ano ba ang nangyayari? Saan ba siya dadalhin ng mga ito? At nasaan si Reous? Baka kinidnap rin ng mga ito ang lalaki
