Pagkatapos niyang na-contact ang bata ay napanatag ang kalooban niya. Maayos naman ito at hindi pa naman daw nakakadalaw si Athena doon. Paniguradong alam no'n kung nasaan ngayon si Treous.
May malaking bath tub sa silid na ginagamit niya. Wala siyang balak na lumabas. Hindi niya kayang pakiharapan si Treous ngayon. Hindi niya kayang pakinggan ang mga lumalabas sa bibig nito. Gusto niyang balewalain pero hindi niya maiwasang maapektuhan.
Pinuno niya ng tubig ang tub bago lumublob. Sumandal siya sa gilid niyon at pumikit. Hindi niya lubos akalaing masarap sa pakiramdam ang ganoon. Tila panandalian niyang naranasan ang karangyaan. Hindi niya naman hiniling pero kusang dumating.
Na-enjoy niya ang pagbababad hanggang sa nakatulogan na at hindi niya namalayang dumausdos na ng paunti-unti a
