Pagkabukas niya ng banyo ay nagulat na lang siya nang bumungad sa paningin niya ang nakasandal na si Treous. Naka-shirt na ito ng puti at naka-shorts pa rin. Naka-cross arms at seryosong nakaabang sa labas. Umayos ito ng tayo pagkalabas niya. Napahinga siya nang maluwag bago binigay ang PT kay Treous. Oo, napilit nga siya nitong mag-PT.
Naawa rin siya sa secretary nito na sumakay pa talaga ng speed boat na naka-coat and tie. Para lang maihatid agad-agad ang hinihingi ng lalaking ito dito. May katandaan pa man din ang secretary nitong lalaki. Ito pa talaga ang nautosan.
“You look relieved, huh?” May iritasyon sa mukha nito nang balingan niya.
Napanguso siya. Hindi na siya nagsalita. Sa loob-loob niya nagdidiwang na siya nang malamang negative. At kabaligtaran naman dito. Dahil mukhang
