Natahimik kaming lahat sa loob ng office ni Ms. Athena. Lagi akong napapatingin kay Chloe, pero tahimik lang siya at mukhang may malalim na iniisip.
"Hey, are you okay?" tanong ko sa kaniya. Napapitlag naman siya nang hawakan ko ang balikat niya, pero kalaunan ay ngumiti na lang siya. A smile to lighten up the mood. Ang ngiti niyang kanina ko pa hinihintay na lumabas. Pero tila may bumabagabag pa rin sa isip niya.
"Ayos lang ako," sagot niya. Pero hindi, alam kong hindi siya ayos mula kanina pa. Kung ano man ang iniisip niya, ayaw ko muna siyang tanungin. Alam kong gaya ko, nagulat din siya sa mga nangyari.
"Zecharia, do you know every details of the history of Magical University?" tanong ni Mr. Clay. Umiling naman ako kaagad.
"First day ko lang po rito, wala pa po akong alam sa mga
