CHAPTER 88
"Nicole? Oh My God! Ikaw nga sis" tumayo siya. Hindi niya napigilang yakapin ito.
Niyakap din siya.
“Salamat sa Diyos at nakalaya ka na rin sa wakas.”Halata ang di mapagsidlan na saya sa boses ni Nicole.
“Sandali, anong ginagawa mo rito?”
“Magje-jetski ako pauwi ng Pilipinas. Ang saya di ba?”
Natawa silang pareho. Ano ba kasing klaseng tanong iyon. Ano bang gagawin kapag nasa eroplano na? Na-miss niya itong ganitong biruan nila.
Kahit hindi sabihin ni Nicole kay Leigh alam ni Nicole na ramdam nito kung gaano siya kasayang makita ang kaibigang nakalaya na. Mabilis lang niyang napunasan ang luha niya nang nakita niyang nasa eroplano na si Leigh. Taimtim siyang nagpapasalamat sa Diyos nang naglalakad siya palapit sa kabigan. Dininig din ng Diyos ang dasal nila ni Klein. Na
