CHAPTER 89
Bago sumakay sa eroplano si Nicole, nakita na niya agad si Leigh. May kinausap na muna siya bago niya nilapitan si Leigh.
“Okey na. Nakita ko na siya sa seat number na pina-book natin sa kanya. Pauwi na kami riyan sa wakas. Sigurado ka bang hindi mo kami susunduin?” message ni Nicole kay Klein sa social media nang nasa loob na ito ng eroplano
Sa ibinalitang iyon ni Nicole sa kanya, tumulo ang kanyang luha sa sobrang saya. Alam niyang ligtas na si Leigh sa kahit anong kapahamakan. Ito na yung araw na hinihintay niya. Ito na ang araw na naramdaman niya na kahit paano ay may pinuntahan lahat ng mga mga isinakripisyo niya. Hinayaan niyang tumulo ang kanyang mga luha dahil kaiba na ang luhang iyon sa mga iba pa niyang iniluha noon. Ito ay luha ng kagalakan, luha ng tagumpay, luha
