CHAPTER 73
Halos magiba na ang pinto sa lakas ng kanilang pagkatok. Naroon lang sa loob si Leigh, kausap si Klein. Ayaw ni Klein na ibaba ni Leigh ang cellphone niya.
“Boss masisira na nila ang pinto. Natatakot ako. Baka sasaktan nila ako. Papatayin nila ako. Anong gagawin ko, boss?”
"Boss tandaan mong mabuti ang sasabihin ko ha. Huwag na huwag mong kalimutan ito.”
“Ano ‘yon? Please, tulungan mo ako boss. Ano yung tatandaan ko?” humahagulgol na si Leigh. Hindi na niya kaya pang kumalma. Alam niya sa sarili niyang wala na siyang lusot ngayon. Mahuhuli na siya ng mga ito. “Boss, mangako ka! Gagawin mo ang lahat ha? Tulungan mo akong makalaya.”
“Oo, pangako tutulungan kita. Gagawin ko ang lahat. Basta mangako kang kung mahuhuli ka, huwag na huwag kang pipirma sa kahit anong ipapapirma
