CHAPTER 67
“Anong nangyari sa’yo? Umiiyak ka ba?”
Ngunit nang magkaharap sila ni Nicole ay parang umurong ang kanyang dila. Hindi niya kasi alam kung paano sisimulan ang pagtatanong? Umiikilkil sa isip niya na wala siyang karapatan. Wala siyang dapat itanong. Wala na siya dapat pang pakialam.
Muli siyang humiga at di na niya sinagot pa si Nicole. Bastos na kung bastos pero mainam na yung wala siyang sinasabi. Nagtalukbong siya.
Napangiti si Nicole. Ramdam niya si Leigh.
Hindi nakatulog si Leigh sa kaiisip habang si Nicole na kadarating lang ay dinig na niya ang mahina nitong paghilik. Iba talaga kapag masaya. Iba ang taong walang problema.
Pinilit niyang makatulog. Kailangan niyang matulog kasi ilang araw na siyang lutang dahil kay Klein.
“Sis, nagluto ako ng agahan baka gusto mong
