Chapter 92
Nakaramdam siya ng gutom. Bumangon siya. Napangiti siya. Sa kung anong dahilan, hindi niya alam. Basta masaya siyang harapin ang bawat bagong umaga ng kanyang buhay. Excited siya na sa wakas, hindi na siya sa isang kuwarto lang na paikot-ikot at walang makausap. Wala na siyang kinatatakutan. Magaan na ang kanyang paghinga. Isang bagong umaga at alam na alam niyang marami siyang pwedeng gawin. Ito na ang pagsisimula ng masaya at tahimik niyang mundo kasama ng taong napili niyang makatutuwang sa habang-buhay. Mag-aalmusal na muna siya bago niya i-message si Nicole sa social media nito para tanungin ang address ni Klein. Nasa hagdanan pa lang siya ay may naulinigan siyag pamilyar na boses na kausap ng kanyang mga magulang. Bahagya siyang huminto. Hindi niya alam kung kailangan niy
