CHAPTER 91
"Gusto kong makita si Klein. Alam mo ba kung saan ko siya mahahanap?"
"Nang naging maayos na lahat at sigurado na ang iyong paglaya ay nauna na siyang umuwi pagkatapos niyang makuha ang end service benefits niya.”
“Ah nasa Pilipinas na pala rin siya.”
“Sinabi niya sa akin na hayaan ka na niyang hanapin ang tunay na makapagpapasaya muna sa iyo. Hindi ka raw niya tinulungan para magiging dahilan iyon ng pagsuko mo sa kung ano ang buhay na gusto mo ngayon na makababalik ka na. Alam niyang marami ka pang gustong gawin, alam niyang may pamilya ka pang uuwian kaya kahit hindi mo pa hiniling ay pinapalaya ka na raw niya. Malaya ka raw piliin ang buhay na kung saan sa tingin mo ikaw ay liligaya.
“Akala ko okey na kami noong huling nag-usap kami.” Nakaramdam siya ng lungkot.
“Okey
