***Third Person's POV***
-
Pagkagaling sa ospital, balak na sanang umuwi ni Elixir para maabutan pa niyang gising si Lhea. Gusto niya itong makausap tungkol sa nangyari kanina upang hindi na ito magtampo nang sobra sa kanya. Ngunit bago pa man siya makauwi, nakatanggap siya ng tawag mula kay Megan—humihingi ito ng tulong dahil masyadong masakit ang ulo nito.
Sasabihin sana niya rito na hindi naman siya doktor at wala rin siyang kakayahan para mabawasan ang pananakit ng ulo nito. Subalit naalala niya ang pangako niyang kailanman ay hindi niya ito pababayaan, lalo na’t malaki rin ang naitulong ni Megan sa kompanya niya ngayon. Sa katunayan, ito ang dahilan kung bakit nabuksan ang isang napakalaking oportunidad para sa Dela Costa Advertising.
Kaya napagdesisyunan niyang puntahan muna si
