CHAPTER 30
LUMABAS SINA Casey at Zyra ng kanilang silid ganap na alas tres ng hapon. Nakatulog sila matapos lagyan ng cream ni Zyra ang kaniyang pasa. Naabutan niya nag mga magulang niyang nagkakape sa lobby ng hotel kung saan abot ng tanaw ang Taal Volcano dahil gawa sa glass wall ang haligi ng lobby.
Bakas sa mukha ng mga magulang niya ang saya habang nagkukwentuhan. Tumabi sila sa mga ito at awtomatikong napangiti lalo nang makiata silang dalawa.
“Mabuti naman ay naisipan ninyong bumaba. Akala naming ay dumayo lang kayo ng tulog dito sa Tagaytay,” ani daddy niya na sinundan pa ng tawa.
“Iba kasi ang lamig dito, tito. Natural na lamig kaya ang sarap po matulog,” ani Zyra na hinawi pa ang mahabang buhok. Tama ito. Iba ang dating ng hangin dito kaysa sa Bulacan. Mataas kas
