NANG MA-DISCHARGE si Thomas kinabukasan ay kaagad silang bumiyahe pabalik ng Bulacan. Si Carl ang nagmamaneho ng kotseng dala nila ni Thomas samantalang si Casey naman ang nagmamaneho kay Coco dahil hindi pa naman ganun ka-okay ang pakiramdam ni Zyra.
Nagsabi na si Carl na hindi na nito sila mahahatid sa condo. Kailangan na rin kasi ni Thomas makauwi upang makapagpahinga nang maayos.
Pumayag naman siya at si Zyra dahil sobrang nakakahiya na kapag hinatid pa sila ng mga ito.
Gustuhin man niyang kausapin ang nobya ay hindi niya magawa. Madalas na kasi itong makikitang tulala o kaya ay malalim ang iniisip.
Sinulyapan niya si Zyra. Nag-aalala na siya rito ngunit malaki ang tiwala niya sa nobya. Alam niya na nag-iisip lang ng susunod na plano si Zyra. Sa condo unit na lang niya ito kakausa
