MALAPIT NA ang araw ng eleksyon, mas naging abala si Casey sa kaniyang trabaho sa campaign team ng mga Rivas. Dumoble pa nga ang trabaho niya dahil tumutulong na rin siya sa pangangampanya ni Dylan.
"I think that's enough for today. Bukas, araw ng Linggo, magpahinga muna ang lahat dahil sa lunes ang araw ng halalan," wika ni Dylan habang nakatayo ito sa kaniyang tabi.
Kaagad na umaliwalas ang mukha ng mga empleyado ng pamilya Rivas at kahit siya ay natuwa rin. Naramdaman niya ang pag-akbay ni Dylan sa kaniyang balikat. Halos isang linggo na silang magkasintahan ngunit hindi pa rin siya talaga nasasanay sa pagiging sweet at clingy nito.
'Hindi pa nasasanay o walang balak masanay?' tanong ng isip niya.
Huminga siya nang malalim. Na-aappreciate naman niya ang pagiging sweet nito. Maala
