CHAPTER 44
PANAY ANG hugot ni Casey ng malalim na hininga habang nasa labas siya ng The Alchemist. May isang parte ng isipan niya ang nagsasabi na mali ang ginawa niya. Panghihimasok sa isang personal na gamit NI Dylan ang ginawa niya at alam niyang mali iyon. Palakad-lakad si Casey habang nag-iisip kung ano ang susunod niyang gagawin ngayon na alam na niya ang passcode.
Kinagat niya ang kuko sa hinlalaking daliri.
‘Alam ko na. Sasabihin ko na lang ito kina Carl at Thomas. Or kay Lavi.’
Humakbang siya papasok ng The Alchemist at handa nang hanapin ang mga kaibigan ngunit bigla siyang napahinto sa paglalakd nang may makasalubong siya. Si Zyra. Mukhang kanina pa siya nito tinitingnan. Hindi siya sigurado sa kung anong emosyon nito ang nasa mga mata ngunit tingin niya ay pun
