CHAPTER 41
NANG LUMABAS si Zyra ng restaurant ay kaagad itong sinundan ni Casey nang hindi nagpapaalam kay Dylan. Nadaanan din niya ang tatlo nilang mga kaibigan na halatang gulat pa rin sa mga nangyari. Sinundan lang ito ni Casey hanggang sa parking area. Hindi niya sigurado kung tama ba ang ginawa niyang pagsunod dito kahit pa alam niyang baka mag-away lang sila nito.
“Zyra, please. Kausapin mo ako,” aniya rito. Gusto ko na niyang umiyak dahil tila hindi siya nito naririnig. “Iyong nakita at narinig mo sa loob, wala lang iyon—”
Biglang humarap sa kaniya si Zyra at halos tayuan siya ng mga mumunting balahibong pusa sa katawan nang makita ang lamig sa mga mata nito. Namumula ang mga iyon ngunit walang emosyon siyang mabasa. Humugot siya nang malalim na hininga. “Zyra, makinig k
