CHAPTER 40
DUMATING ANG araw ng Biyernes, mas naging busy sina Casey ngunit napansin niyang maaga pa lang ay nandoon na si Dylan. Kumunot ang noo niya nang kalabitin siya ni Vivian. "Bakit?"
"Nandiyan si Konsehal Dylan." Ngumuso pa ang kaibigan niya at tinuro ang binata na ngayon ay kausap ng kaniyang ina.
Maganda ang ngiti ng mga ito at halatang nalilibang sa pag-uusap. Lumingon ito sa kaniya at kumaway pa ang mommy niya samantalang si Dylan ay nahihiyang ngumiti naman.
Gumanti siya ng ngiti sa mga ito saka lumingon sa kaibigan. “Hayaan mo siya. Kausap si mommy, oh.” Muli niyang tinuon ang atensyon sa ginagawa sa harapan ng monitor ng computer niya. “Bakit ka pala nandito?”
Bigla itong natawa saka lumapit sa kaniya. “Itatanong ko lang sana kung pwede ka ba bukas. M
