“MARAMING salamat sa paghatid, Harvy,” nakangiting sabi ni Laureen dito.
“Walang anuman,” nakangiting tugon nito.
“Tell Katrina I said ‘thank you.’”
“Makakarating,” anito. “Huwag ka nang masyadong mag-isip. Magiging maayos ang lahat. Lilipas din `yan.”
Binigyan niya ito ng ngiti na puno ng pasasalamat. Katulad ni Katrina, hindi pa rin ito gaanong nagbabago. Mabait pa rin ito.
Kanina ay sinamahan sila nito ni Katrina sa pamamasyal. Sinikap nina Harvy at Katrina na aliwin siya pagkatapos niyang umiyak nang matindi sa nakita niya sa ice cream house. Nagpapasalamat siya sa presensiya ng mga kaibigan niya. Hindi man tuluyang naibsan ang bigat ng damdamin niya, nabawasan naman iyon kahit na paano. Si Harvy lamang ang naghatid sa kanya pauwi dahil may kinailangang gawin si Katrina
