ILANG ulit akong lumunok. Ang sakit sakit ng puso ko habang nakatingin sa kanya. Kulang ang sabihing nababasag ako ngayon. Sobra sobra ang kirot na nasa puso ko dahil ang lalaking mahal ko ay nasa ganitong sitwasyon.
"Please don't do this, my King." Malumanay kong pakiusap pero nadudurog ako.
Wala akong pakialam kung wala sa sitwasyon ang mga salitang sasabihin ko. Wala akong pakialam kung hindi pa maayos ang lahat ang mas mahalaga ngayon ay mailayo siya sa balak niyang gawin.
"Kung gagawin mo 'to paano naman ako?" Natigilan siya. "Kailangan kita at aaminin kong iyon ang plano ko sa una pero nagbago lahat ng 'yon dahil sa pagmamahal na naramdaman ko sa'yo. Mahal na mahal din kita, kung magpapakamatay ka ngayon iyon rin ang gagawin ko sa sarili ko." Mas lalong napalakas ang paghikbi ko
