ANG sakit sakit ng puso ko habang patuloy ako sa pag-iyak. Naguguluhan ako. Hindi ko na alam ang gagawin ko. Pakiramdam ko mawawala ako sa katinuan kapag hindi nasagot ang mga tanong ko.
Tulala lang ako habang lumuluha. Ayokong gumalaw. Natatakot ako sa mga bagay na pumapasok sa isip ko.
Kung pareho ang sulat kamay niya sa mga death threat ibig sabihin ay malaki ang galit niya kay Second. Dahil ba sinaktan siya nito noong magkarelasyon sila? Sino ang dahilan?
"Queen?" Narinig ko ang boses ni Second na papalapit. "Bakit ka umiiyak?" Agad na nabakasan ng pag-aalala ang boses niya ng makita ako.
Mas lalo akong napahagulhol ng marinig ko ang malambing niyang boses.
Lumapit siya sa'kin at pilit na pinaharap sa kanya. Tinitigan ko ang mga mata niya, mga matang puno pa rin ng pagmamahal kapa
