Kinabukasan, nagising si Reina sa malalakas na hiyawan at tila ba may nagpupustahan. Napakunot ang noo niya habang dahan-dahang bumangon mula sa kama. Sa una’y akala niya'y nananaginip pa siya, pero nang marinig ang maingay na tilaok ng manok at ang sigawan ng mga lalaki sa labas, napatayo siya agad.
“Sabong?!” bulong niya sa sarili.
Agad niyang inayos ang sarili, nagsuklay ng bahagya, at nilapitan ang bintana ng kwarto. Dahan-dahan siyang sumilip, umaasang maling akala lang ang lahat.
Pero hindi.
Tama nga siya.
Sa damuhan sa harap ng resthouse, may tatlong lalaking nakaupo sa isang mahabang bench habang may hawak na manok. May kahon ng pera sa isang bangko, at may nag-aabang ng pustahan.
At sa gitna ng lahat...
Si Clyde.
Topless.
Pawisan.
At nakangisi habang hawak ang isa sa mga
