“Good morning, Madam at Miss Danicca,” magalang na bati ni Apple nang makita ang dalawa na kadadating lang sa hapagkainan. Inilapag na niya ang bowl na may lamang kanin sa gitna ng mesa.
“What’s with the Madam, Dear? Just call me, Tita, total girlfriend ka naman ng anak ko,” nakangiting sabi ng mommy ni Aiden. Hindi niya maiwasan na mahiya kahit pa alam niyang hindi siya nito gusto.
“Oo nga naman, Apple.” Hinawakan nito ang kanyang dalawang balikat saka pumunta sa kanyang likod. Para silang close friend kung tingnan. “Saka huwag mo na akong tawaging Miss Danicca. Danicca will be fine and besides, we are friends, right?”
Ngumiti siya dito. “Oo naman.”
Hindi niya alam kung mabait ba talaga ito o plastik. Hindi na niya alam kung saan maniniwala. Nag-iba kasi ang tingin niya dito simula na
