“Anong sinabi mo?” tanong ni Noah kay Apple.
Uminom muna siya ng juice bago sumagot. “Wala. Hindi ako nakasagot.” Napabuntong-hininga na lang siya nang maalala ang araw na tinanong siya ng anak tungkol sa ama nito.
Nasa harden sila ngayon ni Noah at ikweninto niya sa kaibigan ang naging tanong sa kanya ni Angelo. Makalipas ang dalawang araw bago nakadalaw sa kanila si Noah dahil mas naging busy ito sa negosyo ng pamilya nito, lalo na ngayon na ito na ang pinagkatiwalaan ng ama nito sa pagpapatakbo ng hacienda nito.
Napatitig siya sa kanyang anak na masayang naglalaro kasama ang aso na binili ni Noah para sa anak. Para daw kahit silang dalawa lang ang nasa bahay ay hindi naman ma-bored ang bata dahil may kalaro ito. Kapag kasi dalawa lang sila sa bahay ay hindi naman siya nakakapaglaro p
