Ang mabibilis na imahe ng mapait na nakaraan ang paulit-ulit na napapanood ni Lindsay sa kanyang harapan.
Kay bigat ng kanyang dibdib. Ilang beses niyang hiniling na sana'y matigil na ang lahat ngunit tila pinaparusahan siya sa pagkakataong iyon.
Natigil na lamang ang lahat nang bigla siyang mapabalikwas ng bangon.
Napapunas siya sa pinong butil ng pawis mula sa kanyang sentido. Hingal na hingal siya.
"Panaginip lang ang lahat..." bulong niya sa sarili.
"L-Lindsay? Lindsay, are you okay?" nag-aalalang tanong ni Alice sa kanyang tabi. Halata sa mukha nito na nalimpungatan ito nang mapansin ang kanyang pagbangon.
Nasa loob pa rin sila ng ospital kung saan ay naka-confine si Lindsay.
"Alice..." Napahikbi siya. Wala siyang ibang masabi. Sapat na ang pagluha niya para malaman ng kaibigan
