Maaliwalas ang buong kapaligiran. Luntian ang kulay ng paligid dahil nakapaligid sa buong lugar ang iba’t-ibang puno at halaman. Ramdam na ramdam nila ang malamig at presko na simoy ng hangin. Nakakabingi ang katahimikan at tanging mga huni lang ng ibon at kung anong mga hayop ang tanging maririnig sa buong paligid.
Kapwa nakatingin sila Arnold, Christine, Liam at Matthew sa isang puting lapida na nakapatong sa madamong lupa. May mga bulaklak na nakapaligid sa lapida nito. Nakaukit sa batong iyon ang pangalang Selena Aguirre. Taimtim sila na nagdarasal sa isipan.
Nandirito sila ngayon sa sementeryo kung saan dito inilibing ang labi ng ina ni Christine. Ito ang sinabi ng private investigator ni Arnold tungkol sa kung saan nakalibing si Selena. Naisipan nilang pumunta rito dahil ito na rin
