LUMIPAS ang mga araw at napapadalas ang pagdaan ni Radson sa bahay ng mga Thompson. Inoobserbahan niya ang pamilya ng kanyang nobya. Ramdam niyang may ugali ang mga ito na hindi kanais-nais. Maayos ang pakitungo nila kay Radson dahil mayaman ito at alam nilang malaki ang magiging pakinabang ni Radson sa kanila.
Isa rin sa mga naobserbahan ni Radson, ang hindi maayos na pagtrato ng mga ito kay Thalia. Pansin niya ring hindi kamukha ni Thalia ang mag-asawa. Na parang katulong ang trato nila sa dalaga. Pero hindi nagrereklamo si Thalia. Ginagawa niya ang mga iniuutos sa kanya at ni hindi nila ito nakakasabay na kumain.
“Babe, ipakilala mo naman ako sa mga friends mo oh?” ungot ni Amanda habang nakapulupot ang mga braso sa braso ni Radson.
Nasa sala ang mga ito ngayon dahil dumaan si Rad
