LUMIPAS ang mga araw na nagpatuloy ang malamig na pagsasama nila Radson at Thalia. Maagang umaalis ng bahay si Radson. Paggising niya, nakahanda na ang agahan at kape niya sa mesa, at pagbalik sa silid niya, nakahanda na rin ang isusuot niya sa pagpasok sa trabaho maski brief at socks nito. Kahit makalat siya sa silid na sinasadya niya, mabilis na nililinisan ni Thalia ang silid niya. Sa gabi naman, pagdating niya sa bahay ay nakahanda na ang gapunan niya at may dessert pang kasama. Lahat ng mga kinakain niya, homemade at si Thalia ang nagluluto sa mga iyon.
Responsableng asawa si Thalia sa kanya. Kahit hindi niya ito iniimikan sa tuwing nagpapang-abot sila. Tahimik rin kasi si Thalia kaya hindi rin ito umiimik. Lahat ng mga inihahain ni Thalia sa kanya, masasarap at nagugustuhan niya. K
