MAAGA pa lang ay nakaabang na si Amanda sa parking lot ng Pharmaceutical ni Radson. Hindi niya kasi mapuntahan ito sa bahay dahil naka-banned ito sa guard gate ng subdivision kaya sa kumpanya na lamang ito tumuloy.
Napapapilantik ito ng mga daliri. Nakasuot ng maiksing strapless red dress na naka-make-up at bagong ligo. Napapataas kilay pa ito sa mga empleyado ni Radson na dumarating at napapasulyap sa kanya. Ang ilan kasi ay namumukhaan ito na dini-date exclusively ni Radson noong binata pa ang boss nila. At alam din ng mga empleyado ni Radson na nakababatang kapatid ito ni Thalia. Kaya madalas ay pinagkukumpara nila ang dalawa at malayong malayo ang mga ito sa ugali at pagmumukha.
Nababagot ito at nangangawit ang mga binti. Panay ang sulyap sa relo niya dahil pasado alasotso na pero
