Namayani sa buong silid ang matinis na bulahaw ni Edmund. “Papa, Papa!” yumakap ito sa nakaluhod na ama.
“Edmund!” humihikbi si Edward, umaalog ang mga balikat nito habang yakap nito ang anak.
“E-Edmund anak!” sambit ni Trinity sa nanginginig na tinig. Humakbang siya ng ilang hakbang tungo sa kinaroroonan ng kanyang mag-ama. Hinawakan niya sa balikat ang anak. “Anak Edmund!”
Lumingon sa kanya ang anak kasunod ng maraming pag-iling. “Mama, please, tell Daddy Caleb not to hurt Papa, please, Mama, please!”
Ang puso niya ay parang pinipiga. Hindi niya inaasahan ang ganitong eksena at mas lalong hindi niya inaasahan na alam ng anak na si Edward ang ama nito. Nababanaag niya ang matinding takot sa mukha ni Edmund. Sumisigok ito habang panay ang iyak. Yumakap ito ng mahigpit sa leeg ni Edwar
