Pakiramdam ni Edward ay pinagsakluban siya ng langit. Ang mga tunog sa paligid ay hindi na niya naririnig at tanging ang malakas na pintig ng kanyang puso lamang ang kanyang naririnig.
No.
Hindi siya magawang lokohin ng asawa niya. Over the past years ay napatunayan niya iyon. Napatunayan niya ang wagas na pagmamahal ni Trinity sa kanya.
Hindi ang asawa niya ang nasa video at maging sa larawan na iyon. Hindi ang asawa niya iyon. Agad na binuhay niya ang makina ng kanyang sasakyan at saka mabilis na pinaharurot iyon paalis.
****
Panay ang sipat ni Trinity sa kanyang relong pambisig. It was past seven ngunit wala pa rin ang asawa niya. Kanina pa siya tingin ng tingin sa entrada ng hotel function hall, nagbabakasakali na makita ang pagpasok sa hall ng asawa niya.
Ngunit nabigo lamang
