HINDI TUMAGAL ang relasyon ni Ate Lyza at Xavier dahil pareho nilang nahuling nagloko ang isa't-isa. Nauna nga lang nahuli si Xavier. Ako pa ang sinisi niya dahil isinumbong ko raw kay Ate Lyza na nambabae siya.
"Wala ka na talagang ibang ginawa kung 'di ang sirain ako eh nu. Sira na nga ako kina daddy at papa, pati ba naman sa girlfriend ko sisirain mo pa." Paninisi niya sa akin habang mariin akong hinahawakan sa aking braso.
"Hindi ko naman talaga sinabi kay Ate Lyza kuya eh. Nagkataon lang na nakita niya kayo ni Rhoana doon sa restaurant." Paliwanag ko sa sa kanya. Napapikit ako nang ilapit niya ang mukha niya sa akin.
"Hindi mo sinabi? Eh paano niya nalaman na magkasama kami ni Rhoana kahapon? Ikaw lang ang nakakaalam tungkol sa 'ming dalawa."
Wala naman talaga akong kasalanan
