Chapter 62
ELAYZA
Hindi ko alam kung kaya ko pa bang harapin si Ma'am Beverly habang nag-aayos ako ng magiging almusal nila dahil sa nahuli niya kami sa akto ni Arc na magkayakap kahapon sa terrace.
Halos hindi rin ako makatulog kagabi dahil sa kakaisip kung ano ba ang magandang gawin na alibi sa amo kong babae.
Mag-a-alibi pa ba ako? Kailangan ko pa ba 'yon? Eh, huling-huli niya na kami. Kahit siguro si Arc ang mag-paliwanag at sabihin sa kanila na walang ibig sabihin iyon ay hindi maniniwala si Ma'am Beverly. Pero paano kung iba talaga ang isipin niya? Sana naman hindi siya magalit. Sana naman huwag niyang sabihin kay Sir Arnold ang nakita niya. Kahit alam kong imposibleng hindi niya sasabihin sa asawa ang nasaksihan niya sa amin ni Arc.
"Good morning ma'am, sir..." pagbati ni Ma
