Chapter 44
ELAYZA
Hindi na-enjoy ang pamamalagi ko sa bahay. Dati kapag umuuwi ako talaga excited ako. Pero ngayon na nandito na ako. Parang gusto kong bumalik agad sa mansyon.
Hindi mawala-wala sa isip ko si Sir Arc. Ang bigat ng pakiramdam ko. Pakiwari ko ay may masamang mangyayari sa kanya sa race.
Mabilis akong napailing kasunod ng paghilot ko ng sintido ko. Kailan pa ako nagisip ng ganito sa lalaking iyon? Bakit halos buong araw siyang hindi nawala sa isip ko?
"Mukhang ang layo ng iniisip mo, anak ah?"
Mula sa pag-upo sa balkonahe at pagtitig sa mga halaman na naroon sa paligid ng bahay namin ay napatingin ako sa likuran ko. Si Mama ang naroon.
Isang malawak na ngiti ang binigay niya. Hawak niya sa kamay ang isang mangko ng champorado na niluto niya at isang baso ng gata na
